Pormal nang gidawat ni United States Vice President Kamala Harris ang presidential nomination sa Democratic Party.
Gipahigayon kini atubang sa mga tagasuporta nga mitambong sa Democratic National Convention sa Chicago.
Lakip ang running mate niini nga governor sa Minnesota state nga si Tim Walz alang sa nagkaduol nga eleksyon sa America.
Sa ikatulo ka adlaw mihatag ug pahayag silang kanhi US President Bill Clinton, kanhi House Speaker Nancy Pelosi ug TV host nga si Oprah Winfrey.
Kahinumduman nga napili ni US President Joe Biden si Harris nga muhulip kaniya sa pinili-ay sa bulan sa Nobyembre human nga mitubag sa panawagan sa mga kapapartido nga muatras na lamang sa eleksyon.
Atbangan ni Harris si kanhi US President Donald Trump nga panlaban sa Republicans.
