Gipaniguro ni Pangulong Ferdinand Marcos Jr nga may silutan sa mitabang nga makagawas sa Pilipinas ang gipalagpot nga Mayor sa Bamban, Tarlac nga si Alice Guo.
Gibutyag sa Pangulo nga ang insidente ang nagpakita sa kurapsyon sa justice system nga mupahinay sa pagsalig sa publiko.
Matud pa sa pangulo nga iyang ipakita sa publiko ang kinsa mang indibidwal nga responsable nga makagawas sa nasud si Guo.
Gikadugang pa sa pangulo nga naglihok na ang imbestigasyon aron mapatubag sa salaud nga gihimo.
Matud sa pangulo walay lugar sa gobyerno ang kinsa mang opisyal nga giuna ang personal nga interest kumpara sa pagsilbi sa publiko.
Reaksyon kini sa Pangulo sa gikataho nga nakapalayo na sa nasud si Guo bisan ug may giatubang nga kaso nga gilambigit sa operasyon sa Philippine Offshore Gaming Operation.
