Gitugyan sa National Maritime Council (NMC) ngadto sa Dept of Foreign Affairs ang posibilidad nga ipasaka sa mas taas nga lebel ang pagpasaka og reklamo batok sa China kalabot sa insidente niadtong Agosto 19 sa Escoda Shoal.
Matod ni NMC Spokesperson retired Vice Admiral Alexander Lopez, seryosong gikonsiderar sa DFA ang maong butang.
Si Presidential Assistant to Maritime Concerns Secretary Andres Centino niingon nga posibleng pasakaan og kaso ang China sa bisan asang United Nations body.
Busa matud pa niya nga ang nmc midugang og tulo ka miyembro lakip na ang solicitor general, national security adviser ug national intelligence and coordinating agency o nica nga wala kaniadto maapil sa komposisyon sa konseho.
Gawas niini, si Lopez niingon nga posible usab nga makonsiderar sa DFA ang pagpalapad sa miaging provisional understanding uban sa China kalabot sa rotation and resupply missions niini sa Ayungin shoal ug ipatuman kini sa ubang maritime areas o sa tibuok lugar sa nasud economic zone.
Kahinumduman nga gipirmahan sa Pilipinas ug China ang provisional o preliminary understanding alang sa rotation and resupply mission sa Ayungin shoal, apan wala kini isipa nga dili kini balido sa ubang bahin sa kadagatan nga sakop sa wps, mao nga nahitabo ang insidente sa Escoda shoal.
Bisan pa niini, si Lopez niinsistir nga mandato sa mga coast guard sa bisan asang nasud ang pagpanalipod sa kaluwasan sa kinabuhi ug kabtangan sa kadagatan, apan matod niya nga klarong nakalapas niini ang China, dihang mipatuman kini og delikadong operasyon sa ilang barko nga misangpot niini nga nibangga sa barko sa Philippine coast guard hinungdan sa kadaot niini.
