Dili matarug ang Armed Forces of the Philippines (AFP) bisan pa sa makuyaw nga aksyon sa China Coast Guard dihang nabanggaan ang duha ka barko sa Philippine Coast Guard sa Escoda Shoal.
Matud ni Philippine Navy Spokesperson for West Philippine Sea Rear Admiral Roy Vincent Trinidad, nga ang ilang maritime mission ug mandato magpadayon sa pagsiguro sa integridad sa atoang teritoryo lakip na ang pagpahigayon og mga patrol sa kadagatan, surface patrol, ug maritime air surveillance flights.
Iligal ang presensya sa mga Chinese vessel sa Sabina o Escoda Shoal tungod kay sakop pa kini sa exclusive economic zone sa Pilipinas.
Dugang niini nga ang Western Command adunay plano nga magpatrolya uban sa PCG ug BFAR.
Giangkon ni Trinidad nga ang gihimo sa China usa ka taktika sa communist warfighting, tungod kay sa matag higayon nga maghimo sila og butang nga dili maayo ug supak sa internasyonal nga mga balaod, mopagawas dayon sila og komunikasyon ug ilahang nakita karon nga gustong kontrolon sa China ang tibuok West Philippine Sea.
Samtang, ang barko sa China nalunod sa bahin sa Ayungin Shoal nga base sa ilahang monitoring, moabot sa 129 ka mga barko sa China ang anaa sa Ayungin shoal. Apan dili ‘consistent ‘ ang gidaghanon sa Chinese vessels sa maong lugar, usahay mokunhod kini ug 156 ang labing daghan nga natala niini depende sa kahimtang sa dagat.
