Nag-isyu og freeze order ang Court of Appeals batok sa bank accounts og bahandi ni Kingdom of Jesus Christ (KOJC) founder Apollo Quiboloy og siyam nga kaubanan niini. Sa 48 ka panid nga resolusyon, gi-isyuhan sa appellate court sa freeze order ang 10 bank accounts sa pastor, lakip ang pito niya nga real properties, lima ka sakyanan ug usa ka eroplano.
Ingon man ang mga bank account sa KOJC og Swara Sug Media Corporation nga nago-operate sa Sonshine Media Network International (SMNI), ang media arm sa KOJC.
Base sa korte, nakakita kini og resonableng basehan aron tuohan nga ang bank accounts ni Quiboloy ang nalambigit sa dili lehitimong mga aktibidad og mga krimen sama sa qualified human trafficking, sexual and child abuse, sex trafficking of children, fraud, conspiracy, marriage fraud, smuggling, money laundering, ug uban pa.
Gilayon nga mahimong epektibo ang freeze order og mulungtad sa 20 ka adlaw.
Samtang, sa kampo usab sa SMNI, gibutyag sa abogado sa network nga si Atty. Mark Tolentino nga bisag girespeto nila ang desisyon sa korte, magpasang-at sila og mosyon batok niini.
