Pila ka adlaw human ang pagsakmit niya og duha ka medalyang bulawan sa 2024 Paris Olympics, nagpagawas na og pamahayag ang Pinoy pride gumnast nga si Carlos Yulo sa ugat-hinungdan sa bangi nila sa iyang inahang si Angelika Poquiz-Yulo.
Sa iyang video nga gi-post niya sa TikTok account nila sa iyang hinigugmang si Chloe Anjeleigh San Jose, unang giklaro ni Caloy ang isyu kalabot sa gika-ingong P70,000.00 nga iyang incentives sa nadag-an niyang World Championships 2021 kansa nadag-an niya sa tuig 2022 matud pa.
Iyang gibutyag nga dili P70,000.00 ang iyang dapat madawat tungod kay 60-digit matud pa kini kansa wala gisulti sa iyang inahan ngadto kaniya hangtud nga iya na kining gipangita.
Wala matud pa niya igsapayan ang kantidad kansa wala na niya pangayua pa sa iyang inahan dungan sa pagklaro nga ang gusto lang niya mahitabo, nga unta madako man o magamay ang kwarta, dili kini hilabtan kung wala’y iyang pagtugot.
