GENERAL SANTOS CITY – Gikumpirma ni Police Major Noel Ari Cardos hepe sa Lagao Police Station nga may person og interest na ang pagpamusil patay kang Patrolman Jobert Moremonte samtang nagpadayon ang pagtigum ug mga ebedinsya.
Gani ila na matud pa nga na imbestigahan ang person of interest ug giangkon nga naprenda niini ang pusil nga mitakdo sa gihimo nga examination sa PNP crime laboratory sa tulo ka basyo nga nakuha sa crimescene.
Matud ni Major Cardos nga ilang gipugos ang person of interest nga ipagawas ang pusil nga giingon sa witness nga gigamit pagpusil sa biktima.
Gani ang gina establish sa kapulisan nga may pusil gayud ang person of interest dihang nakita sa mga witness didto sa crimescene pasado alas dos sa kaadlawon.
Gipaklaro usab sa kapulisan nga adunay duha ka sakyanan sa crimescene ug usa niadto ang giingon sa witness nga gisakyan sa suspek nga nagsunod sa biktima una natigayon ang pagpamusil.
Giimbestigahan usab sa kapulisan ang giingong karelasyon kaniadto sa Pulis ang asawa sa suspek .
