GENERAL SANTOS CITY– Gialmahan sa mayor sa Polomolok South Cotabato ang impormasyon nga adunay nagapangolekta ug salapi nga gigamit ang iyang pangalan.
Gilayon nga giadtuan ni Mayor Bernie Palencia kauban ang Polomolok Municipal Police Station Chief of Police, ug mga personahe sa Business Permits and Licensing Office ug Civil Security Unit (CSU) ang establiemento sa Okane.
Nadiskubrehan sa mga nasampit nga dili travel and tours ang business operation niini tungod nakapaskil mismo sa gawas sa establisimento ang gitanyag nga 35% nga tubo sa salapi nga gi-invest kung gusto nga matag adlaw ang pag-payout ug 40% usab kung i-lock-in.
Sa iyang pamahayag susama gayud ang maong investment scheme sa Kapa.
Nabtan pa nila ang pag-invest sa usa ka tawo ug P100,000 cash sa lugar.
Niadtong panahuna usab, may usa ka babaye nga nagboluntaryong mitunol ug P2.4 Million gikan matud pa sa maong investment scheme.
Isip mayor, giklaro niini nga dili tugotan ang unsa mang pamuhunan sa Polomolok, ilabi pa ang paggamit sa iyang pangalan, usa ka butang nga iyang gialmahan.
