GENERAL SANTOS CITY – Tulo ang patay sa mga armado samtang samdan ang usa ka Pulis sa encounter nga natigayon sa sitio salol, Barangay Palkan Polomolok South Cotabato.
Human gisulod sa mga armado nga lalaki ang giawayan nga luna nga panag-iya sa pamilya Española. Matud ni Barangay Kapitan Avelina Rencio nga nagresponde ang kapulisan kauban sa Special Forces human gikataho ang presensya sa lima ka armadong lalaki sa giilugan nga yuta.
Matud ni Kapitan Rencio nga 18 ka ektarya ang nahisgutang yuta nga gibahin sa pamilya Hindap ug ang laing siyam ka ektarya ang naadto sa kabanay sa namatay nga si Española.
Miaging adlaw mitawag kang Kapitan Rencio si Rommel Española usa sa mga apo sa namatay nga tag-iya ug nananghid nga magpasulod ug traktora sa giilugan nga luna.
Gani nagpadala ug lima ka mga armado nga lalaki si Espanola nga nagbantay samtang padayon ang pagdaro.
Miabut ang kapulisan kauban ang mga sundalo apan kalit nadunggan ang mga buto sa armas nga nagresulta sa pagkaigo sa usa ka Pulis nga nadala sa tambalanan.
Matud sa Kapitan nga trenta minutos ang baylo-anay sa buto nga nagresulta sa pagkamatay sa tulo samtang midagan ang laing duha ka mga kauban
