Sugdan sa world No. 1 team ang training camp sa Las Vegas ug sa musunod nga Huwebes, July 11, 2024 gilayon na silang musabak alang sa usa ka exhibition game kontra Team Canada.
Susama niadtong FIBA 2023, magsilbi gihapon nga head coach ang batikang Golden State Warriors coah nga si Steve Kerr.
Ang Team USA gilangkoban sa dagkong pangalan gikan sa NBA nga gilangkoban nilang Stephen Curry, Lebron James, Devin Booker, Anthony Davis, Kevin Durant, Anthony Edwards, Joel Embiid, Tyrese Haliburton, Jrue Holiday, Kawhi Leonard, ug Jayson Tatum
Base sa mga nauna nga pahayag ni coach Kerr, posibleng magdula si Lebron James isip point forward ug pangunahan ang mga transition plays samtang ang 3-point king posibleng gamiton sa off ball offense.
Matud pa ni Coach Kerr, nakaistorya na niya silang Curry ug Lebron nga duha sa pinakamaayong player sa NBA ug naistoryahan ang kabahin sa mamahimong panag-uban sa duha sa torneyo.
Ang duha ka gikonsidera nga ‘generational player’ sa NBA ang kanhi nagbangganay sa sulod sa upat ka sunod-sunod nga Finals – 2015, 2016, 2017, ug 2018.
Tulo ka championship ang gibulsa ni Curry samtang usa usab ang napadaug ni Lebron.
Apan sumala ni Coach Kerr, parehong malipayon silang Curry ug Lebron sa pag-uban sa usa ka team, kauban ang uban pang batikang NBA player nga kadaghanan mga champion.
