Dili mangayu ang Office of the Vice President (OVP) ug confidential funds sa 2025 national budget.
Gihimo ni Vice President Sara Duterte ang pahayag sa sidelines sa Pasidungog event sa OVP, usa ka awarding ceremony aron hatagan ug pag-ila ang partners sa OVP sa pagpatuman sa managlahi nga mga programa nga gipahigayon sa Cebu city.
Kahinumduman nga nahimong kontrobersiyal ang confidential funds nga gitagana sa civilian government agencies human nangayu si VP Sara kaniadtong 2023 ug P650 million alang sa confidential funds sa OVP ug DepEd ug intelligence funds gikan sa Kongreso.
Nabisto usab nga gigasto ang P125 milyon nga pondo sulod lamang sa onse ka adlaw kaniadtong Disyembre 2022.
Una na nga gibutyag ni Duterte nga ang sogyot nga confidential ug intelligence fund aron batukan ang matud pa recruitment sa mga estudyante aron muanib sa mga komunista ug grupo sa mga rebelde.
