GENERAL SANTOS CITY – Mikonhod ug 14 porsyento ang kaso sa dengue sa Gensan gikan Enero hangtud bulan sa Mayo ning kasamtangang tuig.
Kini kung ikumpara sa nakalabayng tuig sa susamang panahon.
Sumala ni Raffy Piamonte, City Health Office-CESU Coordinator nga subay sa ilang datus, sukad Enero 1 hangtud Mayo 20, 2024, anaa lang sa 937 ka kaso sa dengue ang ilang natala, mas ubos kini sa datus nga natala sa CHO sa nakalabayng tuig sa susamang period nga anaa sa 1,086 ka mga kaso.
Apan bisan paman niini, ang CHO uban ang ilang Epidemiology Surveillance unit ang wala nagakumpyansa sanglit padayon nilang gipahugtan ang ilang kampanya batok dengue aron dili na mosaka ang ihap sa mga mataptan niini.
Nanawagan ang opisyal sa tanang katawhan sa syudad nga manghinlo sa ilang palibot aron nga dili kapuy-an ug lamok para likay usab sa sakit nga dengue.
