Deped Gensan giawhag ang mga tulunghaan nga magpahigayon ug distance learning ning adlawa subay sa advisory sa Deped

GENERAL SANTOS CITY – Nagpagawas ug advisory ang Department of Education (DEPED) sa pagpahigayon ug distance learning sa mga magtutungha ning adlawa, Abril 08, 2024.

Kini nagpasabot nga dinhi sa Gensan kanselado ang face to face classes sa mga estudyante ilawon sa DEPED gikan niadtong Abril 03, 2024 hangtud ning adlawa ug pun-an pa kini sa mga holidays sa petsa 9 ug 10 nga mao ang Araw ng Kagitingan ug Eidl Fit’r.

Nahimo usab nga unod sa advisory nga dili e-obliga ang mga magtutudlo nga magreport pisikal sa tulunghaan.

Sa pikas bahin, dili apil sa maong kamanduan ang mga bribadong tulunghaan apan gihatagan ug kahigayonan nga mamahimong mosunod sa mando.