GENERAL SANTOS CITY – Gipasidunggan sa Sanggunian Panlungsod sa General Santos ang buhatan sa permit and licensing division sa pagka kolekta sa syudad ug P460M atul sa business renewal niining tuiga.
Kini human nagpasa ug resolosyon ang Konseho aron pasalamatan ang paningkamut sa nahisgutang buhatan ilawom sa pagdumala sa City Tresurers Office sa malampuson nga operationalization sa business permit and licensing system gamit ang electronic business One stop shop.
Giila sa mga Konsehal ang dili hitupngan nga performance sa business permit and licensing division nga nagresulta sa hapsay ug hassle free nga kasinati-an sa mga tag-iya ug negosyo nga nagresulta sa maayong pagkolekta ug buhis.
Gidawat ang pasidungog sa batan-on nga department head nga si Christian Mark Abarquez dungan sa pag anunsyo nga naka isyu ang syudad ug 11,197 ka business permit samtang nakaisyu usab ug 278 ka bag-ong business permit alang sa tuig 2024.
Kahinumduman nga singkwenta ka tax payers ang gihatagan ug pasidungog sa syudad pinaagi sa pagtunol ug cash incentives.
