GENERAL SANTOS CITY – Posible nga usa lamang ka tawo ang mipatay sa syete anyos nga si Princess Cabucos.
Kini ang pagpaklaro ni Dr. Ricardo Rodaje ang Medico Legal sa National Bureau of Investigation Sarangani District Office nga mihiling sa patay nga lawas sa biktima.
Gani nagpahigayon ug tulo ka vaginal swabbing nga gamiton alang sa seminology examination ug sa mao nga proseso naglaum nga makakuha ug semen nga magamit sa DNA exam alang sa itudlo nga suspect.
Gipaklaro niini nga wala siyay nakita nga samad dinunggaban apan adunay incise wounds sa kilid sa biktima.
Gikadugang ni Rodaje nga ang tanan nga injuries ang adunay tissue reaction nga buot ipasabut nga buhi pa ang bata dihang kini gidagmalan.
Parallel Investigation ang gihimo sa NBI human nagpatabang ang inahan sa NBI human mipirma ug pagtugot nga i autopsy ang anak nga si Princess.
Importante matud pa ang autopsy report tungod vital information kini nga basihan sa prosecution.
Samtang si Dr. Rodaje na ang magrepresenta sa pamilya sa biktima ug i-describe nganong namatay, unsa ang hinungdan sa pagkamatay ug oras nga namatay ang biktima.
Karong adlawa muabut gikan sa kauluhan ang Inahan ni Princess human naka estorya sa taga NBI.
