GENERAL SANTOS CITY – Dili na angayan pa nga lalisan ang plitihan sa syudad o kaha mangutana ang drayber sa pasahero nga pila ang ihatag nimo?
Kini human nagpagawas ug taripa ang LGU Gensan aron mahinumduman ang mga drayber nga kinse pesos lamang ang minimum nga bayrunon sa matag upat ka kilometro nga biyahe.
Lakip gipahinumduman ang mga operator nga sundon ang taripa sa pasamasahe nga gipagawas bag-uhay lamang sa Motorized Tricycle Franchising and Regulatory Board (MTFRB).
Gani sa maong pasidaan magsilbi kini nga pahinumdum nga dili mosobra ang pagpaningil human nagpakatag ug kopya ang local government aron matabangan nga mugamay ang problema sa pamasahe sa syudad tungod sa pagpaningil ug sobra sa pipila ka traysikol drayber.
Kung musobra sa unang upat ka kilometros ang biyahe magdugang ug piso sa matag kilometro ang pasahero.
Matud pa nga padayon nga gipatuman ang prebilihiyo sa pasahe ang mga estudyante, senior citizen, ug mga person with disability.
Una ng gipaklaro ni City Councilor Dominador Lagare nga ang fare matrix nga gipatuman ang gibase sa citty Ordinance No. 8, Series of 2023.
