GENERAL SANTOS CITY – Miabot na sa dise syete ka rounds sa punch mitts ang nahimo ni eight division world champion Manny Pacquiao sa nagpadayon nga pagpangandam sa away batuk kang Buakaw Banchamek.
Luyo nga wala mahinayon kagahapong adlawa ang training apan ginatun-an sa Team Pacquiao ang technique nga gamiton kontra sa Muay Thai boxer.
Matud ni Coach Buboy Fernandez nga kung kaniadto gibansay ni Pacquiao ang daghang punches karon gitun-an usab ang daghang power punches ug combination.
Giangkon ni Fernandez nga nangapa sila sa pagpangita ug mga video ni Buakaw samtang naa sa training aron tun-an apan bisan pa niini mihimo na sila ug kaugalingon nga pangandam nga gamiton ni Pacquiao atul sa away.
Gikadugang niini nga panagsa lamang sa boxer nga muabut sa kinse ka rounds sa punch mitts.
Sa kasamtangan matud pa anaa na sa 75 ngadto sa 80 percent nga andam si Pacquiao apan sa mosunod nga mga semana posible nga muabot na sa 90 percent tungod mugamit na ug plyometric ug posible musulod na sa sparring day.
Una ng gibutyag ni Coach Buboy nga hatagan niini ug maayong kundisyon si Pacman pinaagi sa pagpukos sa duha ngadto sa tulo ka power punches luyo nga may unom ka power punches na nga andam.
