-- ADVERTISEMENT --
GENERAL SANTOS CITY – Subling gihingusgan ni City Councilor Jun Lagare Jr. nga gikinahanglang tumanon sa mga aplikante ang rekositos sa paglukat ug prangkisa alang sa ilang mga traysikol.
Saysay pa niini nga kung ibase sa mga voters’ identification mapamatud-an sa pipila nga taga Gensan gayud sila apan kung residency ang basehan, kay taga Gensan man sila, kinahanglan nga sa LTO Gensan usab naka rehistro ang ilang mga sakyanan ug dili bisan asa nga lugar.
Kahibaloan nga daghan ang mihangyo nga dawaton ang ilang aplikasyon human gibutyag nga taga Gensan apan sa laing dapit naka rehistro ang ilang mga sakyanan.
Apan gihingusgan sa committee chair nga dili kini sakop sa gipangayo nga rekositos base sa gipatuman nga ordinansa.
