GENERAL SANTOS CITY – Human nagpatuman sa austerity measure ang Konseho ning syudad wala nay idalit nga meryenda sa mga giimbitahan nga bisita aron muhatag ug pagpaklaro sa mga hisgutanan nga gustong sayron sa mga Konsehal hilabi na sa mga Committee hearing ilalum sa tagsa-tagsa nila ka Komitiba nga gihuptan.
Kini ang pag-angkon ni Konsehal Jose Edmar Yumang human matud pa migamay ang budget niining tuiga.
Epekto matud pa kini sa budget nga gihatag sa executive department sa mga buhatan sa Sanggunian Panglungsod apil niini ang Vice Mayors office, City Councilors Office ug buhatans a secretary to the Sanggunian.
Una ng gibutyag ni Vice Myor Rosalita Nuñez nga aduna lamang budget ang Sangunian Panglungsod sa 2024 nga P231M apil na niini ang personal services nga gilangkuban sa matag bulan nga sweldo sa mga empliyado sa Sanggunian Panlungsod.
Hinuon dili matud pa kini makaapekto sa ilang trabaho tungod ang katawhan ang ilang giserbisyuhan ug dili ang mga pulitiko.
