GENERAL SANTOS CITY – Wala makasulod sa top ten sa bag-uhay nahuman nga Batang Pinoy ang mga atleta sa Gensan tungod daghan ang wala maapil sa listahan.
Gibisto ni Jojo Entila, Wushu tournament Director sa city sports division nga kasagaran sa gipadula ang walay training nga gitawag niini nga dili mga best player hinungdan nga wala makakuha ug medalya.
Matud niini nga mukapin kwarenta ka mga estudyante nga nag champion dinhi sa syudad ang iyang giindorso sa sports office apan wala maapil tungod kinahanglan pa ang credentials hinuon ang gipadala sa syudad kulang sa kahibalo aron mudaug sa tournament.
Gisaysay pa niini nga walay pakialam ang syudad sa selection sa mga player nga kung mudaug mu qualify sa national sports competitions.
Laing isyu gipabuhagay ni Entila nga ang mga bata ug coaches adunay bangi sa sports office luyo nga migahin ang syudad ug budget nga P5M nga pinakadako nga budget sukad sa tuig 1994.
Nakapait pa gayud dihang miabut na sa kauluhan wala gipadula ang mukapin trenta ka atleta human matud pa wala marehistro sa sports commission.
Ang matag magdudula ang may budget nga tig P30,000 libre ang pliti sa eroplano, bus, transportation allowance, ug pagkaon.
Kahinumduman nga gibutyag ni Sonny Sombreo sa city sports office nga nabiyaan sila sa eroplano hinungdan nga mukuha pag-usab ug tiket aron makaabut sa kauluhan.
