GENERAL SANTOS CITY – Nadungagan pa ang natalang fireworks related injury sa tibuok Soccsksargen Region og siyam ka kaso.
Subay sa report nga gipagawas ni Department of Health Center for Health Development Soccsksargen Region, misaka na sa 86 ang ihap sa mga nabiktima sa pabuto sa rehiyon kung asa natala kini gikan December 21, 2023 hangtod January 5, 2024.
Ang maong numeo 126% nga mas taas itandi sa narecord niadtong nakalabayng tuig 2022 nga aduna lamang 38 ka kaso ang natala.
Mukabat sa 38 kon 44% sa nabuthan ang taga South Cotabato gisundan sa Cotabato Province nga may 26 kon 30%.
Anaa sa 72 kon 84 porsyento sa mga biktima mga lalaki.
Singko anyos ang pinakabata nga nabuthan samtang 70 anyos ang pinakaedaran nga biktima sa pabuto.
Duha sa mga biktima ang kinahanglan nga maputlan og tudlo.
Sa datos nga migawas nasayran nga 59 o 69% sa mga nasamdan ang maoy nagsindi sa pabuto og kapin katunga sa 86 nga nasamdan o 66% ang nahitabo sa balay.
14 o 16% usab mga kaso ang giingong ang biktima ang anaa sa impluwensya sa ilimnong makahubog.
Unom o 8% ang nadala sa ospital og ang upat niini ang nakagawas na.
Sa katibuk-ang ihap sa mga biktima, kasagaran kanila sa kamot naapektohan sa pabuto samtang legal nga mga pabuto ang hinungdan sa pagkasamad sa 41 ka tawo og ang Kwitis ang nag-unang hinungdan.
