GENERAL SANTOS CITY – Giplanuhan na sa syudad asa idapat ang pito ka milyon ka pesos nga incentive fund nga nadawat gikan sa Department of Interior and Local Government.
Kini human nagpatawag ug tigum si Gensan Mayor lorelie Pacquiao miaging adlaw aron sugdan ang mga kalambu-an ug programa ug inisyatiba sa syudad.
Mismong ang Mayor maoy nanguna sa tigum nga giapilan sa pipila ka opisyal sa syudad.
Ang pito ka milyon ka pesos ang pundo nga nadawat sa syudad human nasakmit ang SEAL of Good Local Governance kaniadtong 2022.
Kahinumduman nga gianunsyo sa DILG nga may 493 ka mga Local Government Unit ang mudawat ug incentive fund human masakmit ang seal of Good Local Governance.
Kini ang nahimong basihan sa Mayor dihang nagpagawas ug mensahe sa tanang empliyado sa gobyerno nga ihatag sa publiko ang pinakamaayo nga serbsiyo samtang gipahinumduman nga ipadayon ang pagsalig sa katawhan pinaagi sa responsibilidad, tinuod nga pagserbisyo ug pagka matinud-anon.
