GENERAL SANTOS CITY – Mikalit paghawa sa gipasilungan nga partido si Konsehal Lourdes Casabuena human nagpasakop sa partidong PCM- People’s Champ Movement ilalum sa kampo ni Gensan City Mayor Lorelie Pacquiao.
Una nga gianunsyo ni City Administrator Franklin Gacal Jr. ang pagbalhin ni Casabuena human manumpa kang kanhi senador Manny Pacquiao sa panimalay sa kanhi Senador.
Kagahapon gipagawas ni Casabuena atul sa ika 64 nga regular sesyon ang mga rason nganong kalit gibiyaan ang gipasilungan nga partido.
Samtang naa sa pulpito nagpabuhagay sa luha si Casabuena dungan sa pagbutyag nga wala gitabangan sa RCRI dihang mikandidato ang duha niini ka mga anak sa barangay elections.
Andam matud pa niini tubagon ang mga pangutana sa Media kabahin sa gihimo dungan sa pagbutyag nga dili kini nawong ug kwarta.
Nasuta nga mahuman na ang termino niini sa 2025 isip Konsehal butang gilantaw sa publiko nga gipangandaman na nahisgutang Konsehal nga makasulod sa Konseho ang iyang anak nga lakip nanumpa nga bag-ong myembro sa Peoples Champ Movement.
