GENERAL SANTOS CITY – Anaa na sa luwas nga kahimtang ang nag-inusarang local-based missionary nga nalakip sa Italian humanitarian team nga apil sa na ipit nga mga missionaries sa nagpadayong giyera sa Gaza.
Kahibaloan nga dul-an usa ka bulan na dihang nagsugod ang kaubot tali sa Israel ug militanteng grupo nga Hamas.
Ang 46 anyos nga si Regidor J. Esguerra sa Italian-based MSF kon Medecins Sans Frontières Doctors Without Borders ang atua na karun sa Cairo, Egypt, human nga malampusong nakagawas agi sa Rafah boarder crossing.
Nanarbaho isip medical care ug assistance si Esguerrasa ngadto sa mga biktima sa giyera lakip ang mga sundalo gikan sa managlahi nga habig.
Matud usab sa stepmother ni Esguerra nga si Ms. Budz Esguerra, nakadawat na sila ug mga mensahe nga nag kumpirma nga anaa na sa luwas nga kahimtang si Regidor.
Ang Médecins Sans Frontières (Doctors Without Borders) kon MSF usa ka international, non-profit medical humanitarian organization nga naghatag ug tabang medikal sa mga tawo nga nadamay sa mga katalagman susama sa giyera, epidemics, natural disasters, ug sa mga walay acces sa tabang medikal.
Ang ilang gisunod nga prinsipyo mao ang impartiality, independence, ug neutrality.
