GENERAL SANTOS CITY – Gipahunong ni Elizabeth Bagunoc ang presiding officer sa Sangunian Panglungsod ang lalis atul sa ika 53 nga regular sessyon sa mga konsehal sa hisgutanan sa DILG opinion nga nagrevert sa P10M nga pundo nga isweldo unta sa mga Job Order workers.
Matud ni Bagunoc nga nahimo nang sugnod sa mga mainitong lantugi sa mga Konsehal kung dili ang hisgutanan sa frachising ordinance, paghupot sa committee chairman sa transportation ug uban pa.
Hangyo niini sa mga kauban nga Konsehal nga ipadaplin na ang personal nga bangi ug hatagan ug higayon ang pagpanday sa ikaayo sa mga taga dakbayan.
Atul sa sesyon unang gihatagan ug higayon sa previlige hour si Konsehal Dominador Lagare Jr ug gibanatan ang mga kauban nga anaa sa mayorya kalabutan sa wala pag-apruba sa DILG sa resolosyon nga mugahin ug P10M nga pundo aron isweldo sa mga job order.
Miinit kini dihang gitubag ni Konsehal Edmar Yumang nga opinion lamang kadto sa DILG regional Office tungod mamahimo pa kini nga iapela sa korte.
Nasuta nga Hulyo pa nahatagan sa ilang sweldo ang mga job order workers sa syudad luyo nga hapit na mahuman ang bulan sa Oktobre. Nasuta nga may upat ka milyon ka pesos pa nga pundo ang syudad nga budget alang sa bulan sa Septembre.
