GENERAL SANTOS CITY – Makiglambigit sa Local Government Unit sa Gensan si LTO 12 Director MersHarif Tumawis aron may magamit nga mga towing truck ug lang impoundment area nga ilang butangan sa mga sakyanan nga makasupak sa balaud trapiko.
Kini ang nahimong pahayag ni Director Tumawis human giangkon ni TEU Chief Major Oliver Pauya nga gikulang ang syudad sa maong pasilidad.
Giangkon ni Tumawis nga wala sa ilang poder nga magbaton ug towing truck hinuon gitugyan sa LGU nga makaangkon niini.
Sa labing ulahi nga tigum sa DOTR gihisgutan matud pa ang pagpakusog sa kampanya sa LTO sa tumong nga makatigum ug pundo tungod may kota sa matag tuig nga collection.
Giangkon niini nga wala pa kaayo makalihok ang iyang buhatan tungod tulo ka bulan pa lamang sa pagdumala niini sa LTO 12.
Nasuta nga dinhi sa syudad adunay mukapin sa 33,000 ka mga traysikel ug may kinse mil ang may prangkisa buot ipasabut nga 18,000 ang kolurom nga angayan dakpon sa taga TEU, ug LTO.
Sa kasamtangan ginagamit sa syudad nga impoundment area ang karaan nga Buayan airport apan nagkinahanglan ang syudad ug mas lapad pa nga lugar nga posebli didto ibutang sa Sinawal ning syudad.
