GENERAL SANTOS CITY – Dili lang pagpanakop ang ginahimo sa taga Traffic Enforcement unit apil na ang pagtudlo sa mga nagamaneho ug sakyanan, traysikel ug uban nga moda sa transportasyon nga magbaton gayud ug lisensya ug rehistro sa gimaneho nga sakyanan.
Kini ang nahitabo dihang gibalik balikan sa grupo ni TEU chief Major Oliver Pauya ang Pedro acharon boulevard paingon sa Quezon avenue ang mga sakyanan nga nakaparada atubang sa upat ka dagkong tulunghaan.
Gani nagpahigayon ug joint operations ang TEU kauban ang city traffic command kagahapong adlawa.
Pipila ka sakyanan ang naiyuhan ug temporary operators permit human nahimong obsruction ang pagparada gamit ang bike lane.
Matud ni Major Pauya nga mamahimo nga gamiton nga paaradahan ang usa ka bike lane apan abli ang pikas hinungdan sa maong lugar ilang nasita ang pipila ka sakyanan.
Lakip nasita ang usa ka nagmaneho ug kotse nga walay lisensya ug expired ang rehistro hinungdan nga gi impound ang sakyanan nga may plate number NGO 7497 samtang nahatagan sa TEU ug usa ka sako sa bugas ang usa ka traysikel driver nga may franchise , lisensya ug rehistro sa maneho nga unit.
