GENERAL SANTOS CITY – Mamahimo na nga mag donate ug dugo ang nag edad ug dise sais anyos, kini basi sa labing ulahi nga pahimangno sa Red Cross of the Philippine.
Matud ni Johnny Fuscablo sa red Cross Gensan nga kadtong nag edad ug saysenta anyos mamahimo pa nga mag donate ug dugo samtang kadtong mga regular donor mamahimo nga makadonate bisan ug setenta anyos na ang edad.
Sa Dugong Bombo nga ipahigayon karong NObyembre 18 kinahanglan matud pa kining pangandaman.
Matud ni Fuscablo nga angayan nga matulog ug walo ka oras una ang pagdonate, walay giinum nga tambal, kinahanglan ang timbang 50 kilos pataas.
Matud niini nga mamahimo nga magdonate ug dugo bisan ug gibunutan ug ngipon sulod sa dose oras. kung adunay bakuna pwedi mag donate basta walay symptoms.
Sukad matud pa gisugdan sa Bombo Radyo ang blood letting activity daghan na ang misoon niini apan kulang gihapon ang suplay sa dugo tungod daghang lugar ang gakuha ug dugo sa Red Cross Gensan.
Gani nagpasalamat kini nga mitaas ang alertness sa blood donation program.
Sa usa ka pag donate ug dugo tulo ka kinabuhi ang iyang maluwas.
