GENERAL SANTOS CITY – Dili lang landlock municipality ang pagkaila sa municipyo sa Malungon apan destinasyon usab sa mga local government units aron sayron ang malampuson nga pagpatuman sa programa sa panglawas ug uban pa.
Bag-uhay lamang gi-abi -abi ni Malungon Mayor Tessa Cosntantino ang Ministry of the Interior and Local Government (MILG) sa Bangsamoro Autonomous Region in Muslim Mindanao (BARMM) nga nagpahigayon ug on-site visit sa LGU Malungon,
Sa gipahigayon nga courtesy visit giangkon sa taga taga Bangsamoro Autonomous Region in Muslim Mindanao nga ilang napili ang Malungon gumikan sa mga maayo nga practices sa Local Health Boards sa pagtuman sa ilang mandatu sa paghatag ug health care services sa mga residente.
Atubang sa mga bisita gipadayag ni Constantino ang pagpasalamat dungan sa pasalig nga dili mahikaw sa mga bisita ang kinahanglanon nga impormasyon kalabutan ang serbsiyo sa panglawas.
Nasuta nga bag-uhay lamang nakuha sa Malungon ang seal of good governance ug buot usab maangkon sa nagbisita nga mga LGU.
