GENERAL SANTOS CITY – Nagkalain-laing mga kalibre sa armas ang gipresenta ni Regional Director PBGen Jimilli Macaraeg atul sa command visit ni PNP Chief Police General Benjamin Acorda sa Police Regional office 12 kaniadtong Hulyo 28, 2023.
Matud ni Police Brigadier General Macaraeg ang nahisgutang mga armas iya sa Armed Group Surrenderees gikan sa nagkadaiyang dapit sa rehiyon .
Lakip sa mga armas ang mortar, sniper rifle ug mga improvise explossive device nga gilayon usab gitugyan sa crime laboratory alang sa disposition.
Mitunol usab ug cash assistance ang PNP alang sa mga Surrenderee. Sa maong aktibidad gipaklaro nga adunay cash nga madawat ang mga mitugyan sa ilang armas basi usab sa programa sa gobyerno alang sa kalinaw.
Nahimo usab nga witness si PNP Chief Acorda sa blessing sa Sambisig Media center sa PRO 12 compound.
Una ng gibutyag ni City PNP Director Col Jomar Alexis Yap nga nalipay si PNP Chief Acorda sa pagbisita sa dakbayan human gitagbo sa daghang opisyal aron pangunahan ang pag-abli sa pipila ka buhatan sa Police Regional Office 12 lakip na ang Media center.
