Posebli sa sunod bulan magamit na ang passenger boarding bridge sa General Santos Airport .
Kini ang pahayag ni CAAP Manager Joel Gavina dungan sa pagkumpirma nga magbaktas gihapon sa tarmak ang mga pasahero nga muabot ug mubiya sa nahisgutang airport.
Pagsaysay niini nga miabut na ang transformer nga takda nang itaud aron magamit na sa hingpit ang ikaduha nga palapag.
Matud ni Gavina nga sayon na lamang ang pagsakay sa mga pasahero tungod naa naman ang boarding bridge.
Samtang napaayo na ang aircon unit nga gapabugnaw sa tibuok terminal building.
Gikadugang niini nga midoble ang ihap sa mga pasahero hinungdan nga nanawagan ug sayo nga pag check-in sa departure area duha ka oras una ang takdang biyahe.
Nagdugang usab ug personahe ang CAAP aron mamintina ang serbsiyo ug kalimpyo samtang gimintina ang drop off sa entrada nga bahin.
Aron makalikay sa makauulaw nga sitwasyon tambag niini sa publiko nga likayan ang mga dili maayo nga komedya sama sa 27 anyos nga babaye nga gidakop ug gikasuhan tungod sa bomb joke.
Bag-uhay lamang mitugpa sa Gensan airport ang Boeng 747 jet gikan sa nasud Cyprus karga ang livestocks alang sa taga socsargen region.
