GENERAL SANTOS CITY – Pormal ng nilingkod isip hepe sa usa sa nag-unang ginatutukang Police Station ning dakbayan Pmaj Robert Fores, ang bag-ong Chief of Police sa Makar Police Station.
Dungan sa pag lingkod niini mao ang pag-angkon nga “Very challenging” ang maong trabaho tungod sa daghang mga kaso sa pagpamusil-patay ug uban pang mga krimen sa maong area of responsibility.
Wala niya gipanghimakak nga usa ka dakong responsibilidad ang mahimong hepe sa Makar Police Station ilabi na nga aduna pay mga unresolved cases sa lugar nga ilang atubangon.
Apan paningkamutan sa bag-ong hepe nga masulbad kini tungod usa sa prayoridad niya nga mulambo pa ang peace and order sa iyang hurisdiksyon.
Gibutyag sa opisyal nga bago pa man ang turnover ceremony kagahapon, nakigpulong una sila kang GSCPO City Director PCol Jomar Alexis Yap alayon sa nahisgutang “ultimatum” nga gihatag ni City Mayor Lorelie Pacquiao.
Gipunto niya nga atul sa Case Conference, mihatag ug mga nindot nga impormasyon ug lead si kanhi Chief of Police sa Makar Police Station nga si Pmaj Dennis Yuson Jr. aron makatabang sa pag-resolba sa mga nahibiling kaso.
Nanawagan si Pmaj Fores isip bag-ong hepe nga kinahanglan niya ang suporta dili lang sa mga barangay officials, apan sa tanang katawhan nga nahimutang sa tulo ka barangay nga sakop sa iyang area of responsibility.
Nagtuo kini nga ma-mintina ang hapsay nga komunidad pinaagi sa hiniusang pwersa sa kapulisan ug sa mga katawhan.
