Pag-aproba sa Maharlika invesment fund bill may “good and bad result” sumala sa usa ka abogado ning dakbayan

GENERAL SANTOS CITY – Giangkon ni Atty. Rey Cartojano, co-anchor sa Duralex Sedlex sa Bombo Radyo GenSan nga may maayong resulta og dili ang hisgutanan kalabutan sa pagpasa sa senado sa Maharlika fund bill.

Matud pa niini nga sa ubang mga nasud malampuson usab ang maong sovereign fund og adunay wala.

Matud niini nga angayang tutukan pagmaayo ang safeguard measures sa maong balaod pabor sa interes sa katawhan.

Nagtuo kini nga paspas nga naaprobahan ang Maharlika fund bill gumikan daghan ang kaalyado sa pangulo sa senado.

Nasayran nga 19 ang miboto pabor sa maong sugyot kung asa supak si Sen. Rissa Hontiveros og nag-abstain si Sen. Nancy Binay.