GENERAL SANTOS CITY – Gipahimangnuan ni Acting City Director Col. Alexis Yap, ang labaw sa General Santos City Police Office (GSCPO)
ang mga ginsakpan niini nga gipakatag sa dakbayan sa Heneral Santos aron magbantay sa Pasko sa GenSan ingon man sa seguridad sa palibot.
Atol sa gipahigayon nga send off ceremony sa mga pulis og uban pang force multipliers sa Camp Fermin G. Lira kagahapon, gibutyag ni Col. Yap nga ang mga pulis ang dili pwedeng maggunit sa ilang cellphone atol sa ilang duty aron matutukan pagmaayo ang ilang trabaho sa pagbantay sa palibot.
Sa iyang pamahayag nga dili lang magtutok ang kapulisan sa Oval Plaza nga maoy sentro sa mga aktibidad kun dili ang mismong tibuok syudad ang angayang hugot nga bantayan.
Lauman ang daghang krimen atol sa Yuletide season apan ang misyon sa kapulisan nga kapugngan kini, maprotektahan ang katawhan og mamintina ang kahapsay og kalinaw sa syudad .
Kahibaluan nga mukabat sa 1,138 ka personnel ang gipakatag sa GenSan atol sa kasaulogan sa Pasko nga mulungtad hangtod Enero 6 2023.
