GENERAL SANTOS CITY – Gipaalerto gilayon ni Police Regional Office 12 Director Police Brig. General Jimili Macaraeg ang tanang yunit sa kapulisan human ang pagpatay sa chief of Police sa Ampatu-an Municipal Police Station ug drayber.
Gilantaw ni Macaraeg ang posebling paglihok sa pipila ka grupo sa mga armado nga mangita usab sa mga responsable sa pagpatay nilang Lt. Reynaldo Samson ug Corporal Salipuden Talipasan Endab.
Lakip sa kamandu-an nga doblihon ang pagbantay sa ilang mga area of responsibility batuk kreminalidad.
Sama kang Brigadier General John Goygoyon gikondina usab ni Macaraeg ang hinimuan sa mga responsable sa pag ambush sa mga otoridad nga gisamad pa sa laing tulo ka mga Pulis.
Gikumpirma usab ni Macaraeg nga apil ang region 12 sa kamandu-an ni PNP Chief Police Dir. General Azurin Jr. ang pag-alerto sa tanang tropa sa posebling pagbabag sa mga armado nga grupo didto sa Ampatu-an aron depensahan ang mga mipatay nilang Samson ug Endab.
Nasuta nga target sa One Time Bigtime ang nagpangalan ug Kamor Kambal sa kasong Robbery with Intimidation apan gibanhigan ang mga Pulis pag-abut nila sa barangay Kapinpilan, Ampatu-an girapido sila sa mga armado.
