GENERAL SANTOS CITY | Nanawagan ang city Veterinary Office sa mga Hog Raiser sa syudad nga mas pahugtan ang ilang bio secutity measures sa ilang mga binuhi batuk sa tanang sakit. Kini human nagnegatibu ang gihimong swab test sa mga baboy sa tulo ka barangay sa syudad.
Matud ni OIC City Veterinary Officer Dr. Emil Gargaran nga paagi kini aron mapugngan sa ilang buhatan kauban sa Bureau of Animal Industry, National Swine Prevention and Control Program, kauban ang Regional Veterinary 12 ug DA 12 ang pagpatuman ug Disease Investigation Surveilance and monitoring actitivities sa gikataho nga mga african swine fever case sa barangay Balu-an. Gidepensahan ni Dr. Gargaran ang gipatuman nga preemtive culling aron kapugngan ang pagkatag sa ASF.
Gamit ang dis infection truck nga gihatag sa DA 12 sa pagpanglimpyu sa lugar. Nagpakatag usab ug monitoring team ang nahisgutang mga ahensiya aron panid-an ang posible nga ASF case sa tulo ka barangay aron matombok kung may kaso sa asf sa palibut.
Matud niini nga nagnegatibu sa ASF ang tulo ka barangay nga gikuhaan ug sample. Samtang gipaniguro nga magpadayon ang surveillance sa mosunod mga semana pinaagi sa estrikto nga monitoring activities ug boarder control ug pagpahigayon ug massive information drive sa mga high risk ug protected areas.
