GENERAL SANTOS CITY – Padayon sa pagpangandam ang Comelec alang sa Barangay og Sangguniang Kabataan Elections hangtud nga walay nadawat nga impormasyon sa pagsuspenso niini.
Kini ang nahimong pahayag ni OIC Comelec 12 Director Atty. Jose Villanueva, kalabotan sa mga balita nga ginapasuspenso pag-usab ang barangay og SK elections nga gikatakda sa December ning tuiga.
Gibutyag ni Atty. Villanueva nga ginahan-ay nila ang mga rekords og tanang kinahanglan aron andam sila kung madayun gayud ang maong piniliay.
Matud pa niini manual og dili automated ang eleksyon. Sa iyang pamahayag nga lisod kung automated ang piniliay tungod matag barangay ang angayang mabutangan ug canvassing center kung asa dili kini praktikal kay gasto kaayo sa bahin sa Comelec.
Kahibaloan nga ang Barangay og Sangguniang Kabataan Elections ang ipahigayon sa Disyembre 5, 2022.
