GENERAL SANTOS CITY – Gihingusgan ni Jong Facurib, Bulaong Terminal Administrator nga kung unsa man ang reklamo sa Bulaong Terminal ang muadto lang sa iyang buhatan aron kini maaksyonan.
Matud pa ni Facurib nga gumikan sa 16 ka buok mga CCTV camera nga gimuntar sa palibot sa Bulaong Terminal makit-an ang nagkadaiyang mga aktibidad.
Sa iyang pamahayag nga kung may overpricing sa singil sa mga porters o sa mga tricycle driver ang gilayon nga muadto sa iyang buhatan.
Kung mapatud-an sa iyang opisina ang reklamo nga mahal maningil ang driver iyang suspensohon og sulod sa tulo ka adlaw nga dili makabiyahe sa terminal.
Hangyo niini sa katawhan nga ang mga reklamo ang dili lang ipaagi sa social media apan sa iyang buhatan aron makahimo og aksyon.
Gikadugang pa ni Facurib nga gumikan sa CCTV camera nakit-an usab sa bana ang iyang asawa nga misakay sa bus padulong sa Davao.
