Nagpabilin karon sa custodial facility sa National Bureau of Investigation kon NBI Sarangani District Office ang duha ka mga lalake nga gialegar nga mga scammers.
Silang Christian Dave Ramilo og Leonard Patacsil ang gikasuhan na sa NBI og syndicated estafa.
Sa pamahayag ni Atty. Regner Peneza, labaw sa NBI-SARDO nga naaresto ang duha pinaagi sa gipahigayon nga entrapment operation sa Lagao ning syudad human nga nagreklamo ang usa ka negosyante.
Gibutyag nga ang maong reklamante ang nakahatag na og P500,000 sa mga suspek nga gideposito sa “WIN 2 IT” investment company kung asa nagpasalig nga mahatag ang 100% nga payout sulod sa 25 hangtud sa 30 ka adlaw.
Gibutyag nga inay nga ihatag ang payout ang mga suspek ang nangayo pa og dugang nga P300,000 sa maong investor hinungdan nga nangayo og tabang sa ilang opisina.
Gilusad ang entrapment operation og nagpostibo nga nadakpan ang duha.
Gibutyag ni Patacasil nga siya lakip sa mga invesror gihapon og dili niya kaila ang maong reklamante.
Gibutyag ni Atty. Peneza nga si Patacasil og Ramilo ang nasikop atol sa operasyon og nagpositibo sa ultra violet powder.
Sa pagkakaron hugot ang imbestigasyon sa NBI kung kinsa pa ang mga kauban sa mga dinakpan.
