Daghan nga mga pasyente sa dakbayan ang maapektuhan sa gipagawas nga bag-ong circular sa PhilHealth sa pagsuspenso sa payment sa hospital.
Kini tungod dili na abagahon sa Philhealth ang bayrunon sa hospital bill sa usa ka pasyente ug mugawas nga abagahon na sa pasyente ang tanan nga bayrunon sa iyang pagpahospital.
Sa habig sa Dr Jeorge P. Royeca hospital mubata sa nubenta porsyento sa mga pasyente ang nagsalig sa Philhealth samtang ang nahibilin nga bayrunon ang isalig sa mga buhatan sa gobyerno nga gatabang sa pagbayad sa hospital bills sama sa Philippine charity sweepstake office ug mga malasakit center ug uban pa.
Matud ni Glenville Gonzales, ang department head sa naasoy nga tambalanan nga ubos sa lima ka milyon ka pesos ang ilang makolekta sa mga non covid patient hinungdan apektado ang return of investment sa naasoy nga tambalanan.
Matud sa opisyal nga unta kadto lamang mga hospital nga giimbestigahan nga may kadudahan nga claims sa Philhelth ang angayan nga maapektuhan sa bag-ong circular kini tungod wala maapil sa gina imbestigahan ang pampubliko nga tambalanan.
Kahinumduman nga tulo ka hospital na sa Davao del Sur ug laing usa sa Bisayas region ang nanirado tungod giputol na sa Philhealth ang ilang tabang.
