Gipaspasan karon sa Sarangani Province nga mahuman ang ilang COVID isolation facility gumikan ilang target nga magamit sa bulan sa Agosto.
Samtang gibisita ni Governor Steve Chiongbian- Solon ang maong COVID isolation facility aron sayron kung unsa ang laing mga kinahanglanon.
Gibutyag ni Gov. Solon nga may high speed internet, online consultation og uban pa.
Sa iyang pamahayag nga angayang dakong tabang kini sa katawhan sa Sarangani aron nga mahimong mas nindot ang pagserbisyo sa katawhan.
Una niini gibutyag ni Dr. Arvin Alejandro, provincial health officer sa Provincial Health Office kon PHO sa Sarangani nga anaa sa 80 ka bed capacity ang maong COVID isolation facility apan 50 hangtud sa 60 ka mga pasyante lang ang nadawat gumikan ang ubang mga lawak ang alang sa mga staff nga mag-duty.
Ang COVID isolation facility ang nahimutang sa Kawas, Alabel, Sarangani Province.
Galaum sila nga mapaspasan ang tanan tungod kinahanglanon ning higayona gumikan halos puno na ang mga ospital beds alang sa mga pasyente nga natakdan sa maong virus.
Gibutyag nga anaa sa P65 million ang maong proyekto. Matud pa ni Dr. Alejandro nga sa miaging Disyembre nagsugod ang constructions nga gilauman nga mahuman tulo hangtud upat ka bulan apan hangtud karon dili pa pwede magamit.
Kasagaran sa mga COVID patients ang na-admit sa Sarangani Provincial Hospital nga nahimutang sa capitol compound
