Dul-an sa 1,500 doses sa vaccines ang nadawat sa dakbayan kagahapong adlawa gikan sa Department of Health kon 12.
Matud pa kang Dr. April Mae Maquilang, vaccine program coordinator sa City Health Office kon CHO nga 500 ampules sa Sputnik V o kaha 1,000 doses ang nadawat sa syudad nga alang sa mga senior citizen.
Samtang 146 vials o 1,4600 ka doses sa Astrazeneca vaccines ang nadawat usab nga alang sa unang dose og second.
Lakip sa hatagan og prayoridad kadtong mga anaa sa lagyong barangay nga mga senior citizens og may commorbidities.
Panawagan ni Dr. Maquilang sa mga nakadawat na og unang dose sa vaccine nga maghulat sa tawag o kaha text kung kanus-a ang schedule.
Sa wala pa nakapalista magpalista na sa labing duol nga health center gumikan daghang bakuna ang nadawat sa dakbayan.
Gilauman nga sa sunod semana laing batch sa mga vaccines ang madawat sa dakbayan.
Samtang miabot usab ang bakuna gikan sa DOH national office alang sa mga trabahante sa fishport og canning factories nga unang gisaad ni vaccine czar Carlito Galvez alang sa GenSan.
