GENERAL SANTOS CITY – Kasagaran sa 1,195 ka mga barangay sa Region 12 ang makonsidera nga highly prone area sa pagbaha og pagdahili sa yuta.
Kini ang assessment nga gihimo sa Mines and Geosciences Bureau (MGB 12).
Nasuta nga ang North Cotabato ang may labing daghang flood-prone barangays nga mukabat sa 503, South Cotabato 167, Sultan Kudarat 152, Sarangani 139, Cotabato City 27, og GenSan 17 ka mga barangay.
Hinoon gipaklaro sa maong opisyal nga may portion lang sa barangay nga kasagarang mahitabo nga muagi ang kusog nga bul-og sa tubig padulong sa sapa o sa dagat.
Sa mga landslides prone areas, anaa sa 730 o 61.09 percent sa 1,195 barangays sa Region 12.
Ang North Cotabato ang may 330 mga barangay nga apektado, Sultan Kudarat 131, Sarangani 118 , South Cotabato 118, Gensan 18 og usa sa Cotabato City.
