GENERAL SANTOS – Nagbangutan ang pamilya sa ni Nelson Lubrico, 60 anyos nga residente sa Purok Bangsamoro, Calumpang ning syudad human nga nalambigit sa vehicular accident.
Sa maong panghitabo samaron ang duha ka tawo karambola sa tulo ka sakyanan nga gikalangkuban sa usa ka pick-up truck, traysikel ug motorsiklo.
Gimaneho ni Lubrico ang motor samtang sakay ang anak nga si Giha Lubrico 24 anyos aron ihatud sa trabaho.
Migawas sa imbestigasyon sa Traffic Management Unit (TMU) nga padulong sa direksyon sa Tambler ang pick-up samtang katagbo niini ang motor nga gisakyan sa mga biktima dihang kalit nabanggaan ang motor hinungdan nga nalagpot kini ug naigo sa traysikel.
Ang pick-up driver nga nagpangalan ug Jurvil Bruto Aton, residente sa Phase 3, Malesido Homes, Barangay San Isidro ning syudad ang nagsurender sa kapulisan.
Gumikan sa kakusog sa pagbangga midiretso ang pick-up sa usa ka sirado nga hardware ug nabangga sa dakong sako sa semento.
Nadala sa hospital ang driver sa traysikel nga may plate number 1120-454211.
Hinuon mipasalig na ang tag-iya sa sakyanan nga tubagon ang danyos nga nahimo sa aksidente.
