(UPDATE) GENERAL SANTOS CITY – Aduna na matud lead ang kapulisan sa Bula sa mga suspek nga mipusil patay sa duha ka biktima samtang usa ang samdan sa natigayong pagpamusil sa Mansanitas Street, Brgy. Dadiangas South ning dakbayan sa Heneral Santos sa miaging adlaw.
Ang maong shooting incident nagresulta sa kamatayon sa duha katawo nga giila nga silang Harry Gomboc 19 anyos, usa ka altar server sa simbahan oig Generous Ortolaso, usa ka OFW.
Matud ni P/Major Omar Baret, deputy station commander sa Bula Police Station nga nakasakay sa motorsiklo ang wala mailhing mga suspek og namusil sa mga biktima dihang mihunong ang traysikel.
Gihulat pa karon ang CCTV footage gikan sa tulo ka establisiemento nga duol sa crime scene.
Nagpadayon pa ang kapulisan sa pagpangalap og impormasyon.
