GENERAL SANTOS CITY – Gikalipay ni Dr. Jett Oco, labaw sa City Health Office (CHO)nga nidaghan ang mga senior citizens sa dakbayan ang nagpabakuna sa nagpdayon nga vaccination campaign batok sa COVID 19.
Matud pa niini, sa unang adlaw sa pagbakuna mukabat sa 216 ang naturukan sa Sinovac vaccine, sa ikaduhang adlaw anaa sa 404.
Gitan-aw ni Dr. Oco nga nakaangkon ug kumpyansa ang ubang mga edaran nga magpabakuna human nga ilang nakita ang mga opisyales gikan sa Office of the Senior Citizen (OSCA) Gensan nga nagpabakuna, lakip ang mga edaran nga magtutudlo lakip ang mga senior citizen lawmakers sa lokal nga panggamhanan.
Nasayran nga nabakunahan na kontra COVID 19 silang City Councilors Lulu Casabuena og Rosalita Nuñez sa miaging adlaw.
Giawhag pa ni Dr. Oco ang uban pang edaran nga nagpabiling nagduha-duha og nahadlok nga magpabakuna kontra sa COVID 19 nga wala silay angayan kabalak-an tungod muagi una og hugot nga screening og sutaon usab sa mga doktor una nga tutukan sa bakuna.
