GENERAL SANTOS CITY -Gitubag sa police ang mga gastos sa mga biktima nga naigo human nga aksidente nga nagbuto ang pusil sa sulod sa Regional Civil Security Unit kon RCSU.
Matud pa kang P/Major Ananias Vasquez, chief of police sa Pendatun PNP nga ang mga biktima mao silang Cristel Villasis, 24 anyos factory worker og si Renando Moda, 35 anyos nga taga Purok Felomina, Calumpang ning syudad.
Gibutyag nga igo sa tuo nga tiil si Villasis samtang adunay garas usab ang tiil ni Moda.
Sa imbestigasyon nga miadto sa maong buhatan si PSMS Juvin Queda aron ideposito ang iyang caliber 45 nga hapit na nga ma-expired ang lisensya.
Matud pa ni Vasquez nga sa dihang gi-cleared ni Police Executive Master Sergeant Camarudin Gunao nga taga Dona Soledad ning syudad ang pusil nagbuto hinungdan naigo ang usa ka sakyanan kung asa miuntol naigo ang biktima .
