GENERAL SANTOS CITY – Nadiskubrehan sa militar ang mga armas nga gipanag-iyahan sa New People’s Army kon NPA sa Sitio Lacube, Barangay Malabuan, Makilala, North Cotabato.
Gibutyag ni Major General Juvymax Uy, Commander sa JTF Central and 6th Infantry (Kampilan) Division nga ang mga nadiskubrehan nga mga armas ang gilangkuban sa M16 Rifle, duha ka barrels sa Garand Rifle, duha ka barrels sa M1 Carbine Rifle, og usa ka barrel sa M14 Rifle.
Nadiskubrehan ang maong mga armas gumikan sa gihatag nga impormasyon sa mga sibilyan og mga kanhi rebelde.
Gumikan niini gipasalamatan sa militar ang mga kanhi rebelde nga nakigkooperar ngadto kanila aron makit-an ang maong mga armas.
Giawhag usab ni Maj. Gen. Uy ang publiko nga ipadayon ang pagsuporta sa kampanya sa gobyerno batok sa teroristang grupo.
