GENERAL SANTOS CITY – Nailhan na sa kapulisan ang responsable sa pagpusil patay kang Joseph Osorio nga gabaligya og manok sa palengke.
Matud pa kang P/ Capt. Abdulsalam Mamalinta, chief of police sa Bula Police station nga nagpadayon ang hot pursuit operation human nakaikyas ang target.
Hinoon wala na gihatag ni Mamalinta ang ilhanan sa suspek gumikan sa padayong gi imbestigahan. USa sa mga gitutukan nga anggulo nga may kaaway sa negosyo ang biktima.
Gumikan nailhan na ang suspek giandam karon sa Bula police station ang kasong murder batok sa responsable .
Gipasalig ni Mamalinta nga madakpan ang suspek aron manubag sa salaod nga gihimo.
Gibutyag nga nakaangkon ug igo sa ulo ang biktima nga maoy hinungdan sa iyang kamatayon.
Gikumpirma ni Jona Mae Osorio, anak sa biktima nga adunay nakalalis ang iyang amahan nga mubaligya og kanding apan gibalibaran sa iyang amahan.
