GENERAL SANTOS CITY – Baynte dos ka bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Nasayran usab nga 22 ang bag-ong nakarekober og usa ang nadugang sa listahan sa mga namatay.
Sa nasampit nga ihap walay natala sa GenSan, Sarangani, og Sultan Kudarat.
Samtang 16 ang bag-ong kaso sa COVID 19 kung asa 11 gikan sa Koronadal City og lima sa Polomolok, South Cotabato kung asa unom ang kaso nga natala sa Cotabato Province.
Sa pagkakaron nagpabiling 1,985 ang kaso sa COVID 19 sa GenSan, 132 ang active cases og 78 ang patay.
Sa South Cotabato ang may 1,616 ka kaso, 190 ang aktibong kaso og 48 ang nakabsan sa kinabuhi.
Sa Cotabato ang may 864 ka kaso, 84 active cases og 41 ang namatay.Samtang 574 ang kaso sa COVID 19 sa Sultan Kudarat, 28 ang active cases og 18 ang patay.
Sa Sarangani 552 ang kaso, 12 ang active cases og 18 ang patay.
Sa katibuk-an adunay 5,591 ang COVID-19 confirmed cases sa Region 12 kung asa 446 (7.98%) ang active cases, 4,944 (88.43%) recoveries og 199 (3.56%) ang COVID-19 related deaths.
